Azərbaycan, Bakı /müx. Trend S.Babayeva/ Azərbaycanın Rabitə və İnformasiya Texnologiyaları Nazirliyindən verilən məlumata görə, Azərbaycanın bütün telefon rabitəsinin strukturunda elektron avtomat telefon stansiyalarının (EATS) payı 76,7% təşkil edir. İlin əvvəlində bu göstərici 75,7% təşkil edib.
Bakının telefon şəbəkəsi üzrə EATS-in payı 83,8% təşkil edib. Regionlarda bu göstərici 69,8% təşkil edib.
Rabitə Nazirliyi 2008-ci ilin sonlarına qədər "Elektron Azərbaycan" dövlət proqramı çərçivəsində ölkənin bütün telefon şəbəkəsinin bərpasını başa çatdırmağı nəzərdə tutur.
İlin birinci yarısının yekunlarına əsasən, stasionar telefonların sayı hər yüz nəfərə ilin əvvəlindəki 14,01 ədəd göstərici ilə müqayisdə 14,43 ədəd təşkil edib.
Bakı üzrə bu rəqəm 31,8 ədəd, digər regionlarda isə 9,47 ədəd tşkil edib. Mobil rabitə abonentlərinin sayında da böyük artım müşahidə olunub. Belə ki, ilin əvvəlində mobil abonentlərin sayı 900 min nəfər artaraq 4,2 mln. manat təşkil edib, bu o deməkdir ki, Azərbaycanda hər 100 nəfərə 49,2 mobil telefon düşür.