...

NATO - nun Rusiyaya qarşı mövqeyində dəyişikliklərdən danışmaq tezdir - Rusiyanın NATO-dakı daimi nümayəndəsi

Dünya xəbərləri Materials 29 Yanvar 2009 19:23 (UTC +04:00)

Azərbaycan, Bakı, 29 yanvar / Trend , müxbir E.Tariverdiyeva/  

"Ağ Evə yeni administrasiyanın gəlməsi ilə NATO - nun Rusiyaya qarşı mövqeyində dəyişikliklər olacağı barədə danışmaq hələ tezdir",  - Rusiyanın NATO-dakı daimi nümayəndəsi Dmitri Roqozin hesab edir.

"ABŞ-ın artıq Rusiya ilə bağlı planlarına yenidən baxmasından danışmaq hələ tezdir. Ancaq biz bunu gözləyirik", - Roqozin Brüsseldən telefonla Trend -a bildirib.

Rusiya və NATO arasındakı münasibətlərin bərpası ilə bağlı danışıqlar Brüsseldə dekabrın ortalarında başlanmışdı. Hər iki tərəfin nümayəndələri - Gürcüstanda baş vermiş avqust hadisələrindən sonra korlanmış ikitərəfli münasibətlərin bərpası planı - yol xəritəsini razılaşdırıb.

"Hələ ki Ağ Evdə, Dövlət Departamentində, ABŞ-ın Müdafiə Nazirliyindəki yeni məmurların Barak Obamanın onların qarşılarında qoyduğu yeni vəzifələrə uyğunlaşma prosesi gedir", - Roqozin qeyd edib.

"Bir çox seçkiqabağı vədlər həyata keçməsədə, biz ümid edirik ki, yeni prezident öz işləri və vədləri arasında məsafə yaratmayacaq", - Roqozin əlavə edib.

Rusiya tərəfi RF sərhədlərinin yaxınlığında, tərkibinə görə provokasiya xarakterli olan Amerikanın raket əleyhinə müdafiə (RƏM) sisteminin elementlərinin yerləşdirilməsi planlarından ABŞ - ın imtina etməsini rəsmən nə zaman bəyan edəcəyini gözləyir.

"Biz ümid edirik ki, ABŞ NATO-nu keçmiş ittifaq ölkələri hesabına Şərqə doğru genişlənməyə məcbur etməklə,  Avropada yeni ayırıcı xətlərin yaradılmasına çalışmaqdan əl çəkəcək, -  Roqozin deyib. - Biz ümid edirik ki, ABŞ beynəlxalq  məsələlərdə yalnız öz maraqlarını nəzərə almayaraq, başqalarının da öz maraqlarının ola biləcəyini anlayacaq".

Məqalə müəllifi ilə əlaqə ünvanı: [email protected]

Xəbər lenti

Xəbər lenti