"Türkiyə İraqda hansısa qruplaşma, ya da milli azlığın yox, bu ölkədə milli hökümətin qurulmasının tərəfdarıdır", - Türkiyənin Baş naziri Rəcəb Tayyib Ərdoğan, Londonda böyük iyirmiliyin sammitinin yekunları ilə bağlı mətbuat konfransında deyib. CNN Turk kanalı xəbər verib.
"Hansısa qruplaşmanın tərəfini tutmağımız İraqın parçalanmasına gətirib çıxara bilər", - Ərdoğan deyib. - Türkiyə İraqın vahid hökumətinin yaradılmasını dəstəkləyir və bu istiqamətdə işləyəcək".
Ancaq Ərdoğan deyib ki, İraq hökumətinin zəifliyi ölkə daxilində qeyri-sabitliyə gətirib çıxarır. "Məlumata görə, İraq iqtisadiyyatı çox zəifdir və əhali çox kasıb yaşayır", - o, əlavə edib.
"Biz İraq hökumətinin bu istiqamətdə yetərincə iş görəcəyinə ümid edirik", - Ərdoğan bildirib.
İraq və Türkiyə hökumətləri arasında müzakirə gündəliyinin əsas maddəsində İraqın şimalında Kürd İşçi Partiyasının (KİP) fəaliyyəti problem olaraq qalır.
Türkiyə ötən il KİP-ə qarşı bir neçə anti-terror əməliyyatı həyata keçirib. Ankara Bağdadı və Kürdüstan administrasiyasını kürd separatçıları ilə mübarizədə sıx əməkdaşlığa gətirib çıxarır.
Məqalə müəllifi ilə əlaqə ünvanı: [email protected]