Al Jazeera saytının verdiyi məlumata əsasən, İraq məhkəməsi ABŞ-ın eks prezidenti Corc Buşa ayaqqabı atan jurnalist Müntəzir əz-Zeydinin cəzasını bir il azaltmaq barədə qərar verib.
Bir müddət öncə məhkəmə əz-Zeydini üç il azadlıqdan məhrum etməklə cəzalandırmışdı.
"Əl-Bağdadiyə" telekanalının 29 yaşlı jurnalisti əz-Zeydi, ötən il dekabrın 14-də Bağdadda İraqın Baş naziri Nuri əl-Maliki ilə Ağ Evin sabiq başçısı Buşun birgə mətbuat konfransı zamanı ABŞ-ın eks prezidentinə ayaqqabı atdıqdan sonra dünyada məşhurlaşır və İraqın milli qəhrəmanına çevrilir. Müntəzir əz-Zeydi Buşa ayyaqqabı atarkən bu sözləri deyib: "Köpək, bu da sənə İraqda ölənlər, yetim qalanlar və dul qalanlar adından vida öpüşü".
