Bu gün Türkiyə polisinin həyata keçirdiyi xüsusi əməliyyat nəticəsində Tüzla şəhərində dörd ton narkotik maddə saxlanılıb. Bu haqda Türkiyənin ANADOLU informasiya agentliyi məlumat verib.
İstanbul valisi Müəmmər Gülər saxlanılan narkotik maddənin həcminin bu vaxta qədər ələ keçirilən bütün maddələrin həcmindən dörd dəfə çox olduğunu bildirib. Türkiyə polisinin verdiyi məlumata görə, keçirilən əməliyyat nəticəsində 9 nəfər narkotik qaçaqmalçısı həbs edilib.