Gürcüstan, Tbilisi, 30 noyabr / Trend , müxbir N.Kirsxaliya/
Gürcüstanın neft-qaz korporasiyası "Ninosminda" yatağından hasil edilən bir milyon kubmetr qazın satışına dair hərrac elan edib.
Korporasiyanın məlumatına əsasən, hərracın şərtləri qalib gələn ticarət şirkətilə alış-satışa dair razılaşmanın rəsmiləşdirilməsindən sonra 90 gün ərzində qazın verilməsini nəzərdə tutur.
Min kubmetr qazın başlanğıc qiyməti 230 dollardır. Hərracda iştirak etmək istəyənlər 3 dekabr saat 17:00-dək korporasiyaya ərizə verməlidirlər.
Məqalə müəllifi ilə əlaqə ünvanı: [email protected]