Azərbaycan, Bakı, 24 avqust /Trend/
Ermənistanın müdafiə naziri Seyran Ohanyan Azərbaycan və Ermənistan qoşunlarının təmas xəttində olub. Trend-in məlumatına görə, bu barədə "Mediamaks" informasiya agentliyi xəbər yayıb.
Nazir ön cəbhədə 4-cü ordu korpusunun hərbi hissələrindən birinə səfəri zamanı olub.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır.
1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır. BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.