Azərbaycan, Bakı, 10 iyul /Trend, müxbir A.Tağıyeva/
Türkiyənin enerji resurslarına tələbatı sürətlə artır, ona görə də ölkə İraqla yeni neft kəmərlərinin tikintisini alqışlayır. Bu barədə Türkiyənin energetika və təbii sərvətlər naziri Taner Yıldız bəyan edib. Trend-in məlumatına görə, xəbəri çərşənbə axşamı "Anadolu" agentliyi yayıb.
Yıldız qeyd edib ki, İraqdan Türkiyəyə neft nəqlini nəzərdə tutan Kərkük-Yumurtalıq neft kəmərinin gücü üç il ərzində dəfələrə artırıla bilər.
Bununla yanaşı, nazirin sözlərinə görə, Türkiyə və İraq yeni neft kəmərinin tikintisini nəzərdən keçirir.
Türkiyənin Statistika İnstitutunun məlumatına görə, yanvar-aprel aylarında ölkə enerji daşıyıcılarının idxalını 2011-ci ilin analoji dövrü ilə müqayisədə 21,1 faiz -19,585 milyard dollar artırıb.
Habelə BOTAŞ şirkətinin sifarişi ilə idxal (neft və qaz idxalı) 13,2 milyard dollar təşkil edib.