Azərbaycan, Bakı, 24 may /Trend, müxbirlər D.Xatınoğlu, E.Tarıverdiyeva/
İranda "Mücahəddin Xalq" təşkilatı ilə əlaqəsi olan bir neçə şəxs prezident şeçkiləri zamanı təxribat hazırlamaq ittihamı ilə həbs olunub. Trend-in məlumatına görə, bu barədə "Fars" agentliyi təhlükəsizlik sahəsində olan anonim mənbəyə istinadən məlumat verib.
Saxlanılan şəxslərdən bir neçəsi daha əvvəl artıq analoji fəaliyyətə görə həbs olunublar.
Saxlanılan şəxslərdən ikisi ölkə daxilində olan agentləri təlimatlandırmaq məqsədi ilə bu yaxınlarda İrana gəliblər.