Azərbaycan, Bakı, 24 yanvar/Trend/
Qahirə ətrafındakı Gizə şəhərinin əl-Haram rayonunda əldəqayırma partlayıcı qurğu işə düşüb. Trend-in cümə günü RİA Novosti-yə istinadən verdiyi məlumata görə, partlayış nəticəsində ölüm və dağıntı olmayıb.
İnsident piramidalar yaxınlığında yerləşən polis məntəqəsində baş verib.
Qeyd edək ki, cümə günü daha əvvəl Misirin müxtəlif ərazilərində 2 partlayış olmuşdu, nəticədə azı 5 nəfər ölmüş, onlarla insan isə yaralanmışdı.