Bakı. Rufiz Hafizoğlu - Trend:
Türkiyə ilə sərhəddəki Suriya ərazisində Rusiyanın "Su-24" təyyarəsi qəzaya uğrayıb. Trend-in RİA Novosti-yə istinadən verdiyi məlumata görə, təyyarə yerdən atəş nəticəsində vurulub.
Türkiyə mətbuatının məlumatına əsasən, təyyarə Türkiyə hava məkanını pozduğuna görə vurulub.
xxx
Türkiyə sərhədi yaxınlığındakı Suriya ərazisində qırıcı təyyarə qəzaya uğrayıb. Bu barədə Trend "TRT Haber" telekanalına istinadən məlumat verir.
Hazırda təyyarənin hansı ölkəyə məxsus olduğu müəyyənləşdirilir.
İlkin məlumata görə, qırıcı ölkənin şimalında Suriya müxalifəti tərəfindən vurulub.
Təyyarənin ekipajı katapult edə bilib. Qırıcı suriyalı türkmanların kompakt yaşadığı yaşayış məntəqəsinə düşüb.