Təfərrüatlar əlavə olunub (ilk xəbər saat 19:25-də yayılıb)
Bakı. Trend:
Pakistanın şərqində Lahor şəhərində kamikadzenin törətdiyi partlayış nəticəsində ölənlərin sayı 65-ə çatıb. Bu barədə Trend Reuters agentliyinə istinadən xəbər verir.
Bildirilir ki, partlayış nəticəsində 300-dən çox adam yaralanıb.
Partlayış uşaq parkı yaxınlığında baş verib. Polis bildirir ki, həlak olanların əksəriyyəti qadınlar və uşaqlardır.
Partlayışa görə məsuliyyəti öz üzərinə "Taliban" radikal hərəkatı götürüb.