...

Vətəndaşları ən çox səyahət edən ölkələr hansılardır?

Dünya xəbərləri Materials 12 May 2016 13:44
Dünya Turizm Təşkilatı (UNWTO) beynəlxalq turizmin maliyyə göstəricilərinə dair hesabat dərc edib.
Vətəndaşları ən çox səyahət edən ölkələr hansılardır?

Trend-i buradan izləyin

Bakı. Elçin Hüseynov - Trend:

Dünya Turizm Təşkilatı (UNWTO) beynəlxalq turizmin maliyyə göstəricilərinə dair hesabat dərc edib.

Bu barədə Trend "Vokrug sveta" saytına istinadən xəbər verir.

Sənədə əsasən, dünyada vətəndaşları tərəfindən səyahətlərə ən çox vəsait xərcləyən ölkə Çin olub. 2015-ci ildə çinlilər səfər xərclərini 25 % artıraraq səyahətlərə 292 milyard dollar ayırıblar.

ABŞ vətəndaşları 120 milyard dollarla pillənin ikinci yerini tutublar. Onlar 2015-cı ildə 9% çox səyahət ediblər. Almanlar səfərlərə keçən il 76 milyard, Böyük Britaniya vətəndaşları 63 milyard, fransalılar isə 38 milyard dollar sərf ediblər.

2015-ci ildə turizm sahəsinin gəliri 3,6 % artaraq 1,4 trilyona çatıb. Bu rəqəm özundə otel və restoran, əyləncə və alış-veriş xərclərini, suvenir satışından alınan gəlirləri cəmləşdirir.

Dünya Turizm Təşkilatının məlumatına əsasən, dünyanın əsas turizm istiqamətləri ABŞ, Çin, İspaniya və Fransadır. Kecən il Karib körfəzi, Orta və Cənubi Amerika ölkələri turist sahəsindən gələn gəlirlərdə xeyli artım nümayış etdiriblər.

Məqalədə:
Xəbər lenti

Xəbər lenti