Bakı. Trend:
Vyetnamın cənub şərqindəki Bintxuan əyalətində iki avtobusun toqquşması nəticəsində azı 12 nəfər həlak olub, onlarla insan yaralanıb.
Trend-in Sinxua agentliyinə istinadən verdiyi məlumata əsasən, avtobuslar baş-başa toqquşduqdan sonra onlara yük avtomobili də çırpılıb. Qəza avtobusların yanmasına səbəb olub. Sərnişinlərin çoxu yanan avtobusdan çıxa bilməyib.