Bakı. Trend:
Rusiya Prezidenti Vladimir Putin çinli sahibkarların ölkələrinə Rusiyadan dondurma idxal edə bilmədiklərinə təəccüblənib.
Trend-in “İnterfaks” agentliyinə istinadən verdiyi məlumata görə, V. Putinin sahibkarlarla görüşündə çinli biznesmenlər Rusiyadan dondurma idxal edə bilmədiklərinə görə şikayət ediblər.
V. Putin isə buna təəccüblənərək bildirib: “Sanki dondurma milli və ya bizim mədəni dəyərimizdir. Bu barədə ilk dəfə eşidirəm. Çinə gələndə Si Szinpinə özümlə xüsusi hədiyyə kimi dondurma gətirəcəm”.