Bakı. Trend:
Niger təhlükəsizlik qurumları "Boko Haram" terror qruplaşmasının 57 üzvünü məhv ediblər.
Trend-in "RİA Novosti"yə istinadən verdiyi məlumata görə, təhlükəsizlik qurumlarının üzvləri 1 "Toyota" avtomobili, 1 minaatan, 2 qumbaraatan, 5 pulemyot, 20 AK-47 və döyüş sursatları ələ keçiriblər.
Qeyd edək ki, daha əvvəl "Boko Haram" terror qruplaşmasının üzvləri Diffa kəndinə hücum ediblər. Hücum nəticəsində 15 hərbçi və 2 dinc sakin həlak olub.