Bakı. Trend:
Meksikanın Ohaka ştatının sahillərində 5,4 bal gücündə zəlzələ baş verib.
Trend-in Avropa Aralıq dənizi Seysmoloji Mərkəzinə istinadən verdiyi məlumata görə, yeraltı təkanların episentri Puebla de Zaraqoza şəhərindən 480 kilometr cənub-şərqdə, ocağı isə 66 kilometr dərinlikdə yerləşib.
Zəlzələ nəticəsində xəsarət alanlar və dağıntılar barədə məlumat verilməyib.
Qeyd edək ki, sentyabr ayında Meksikada 2 güclü zəlzələ baş verib. Son rəsmi məlumatlara əsasən, sentyabrın 19-u baş verən zəlzələ nəticəsində 369 nəfər, sentyabrın 7-si baş verən zəlzələ nəticəsində isə 70 nəfərə yaxın insan həlak olub.