Bakı. Trend:
Kataloniya muxtariyyətinin sabiq rəhbəri Karles Puçdemonun saxlanılmasından sonra muxtar vilayətdə polislə etirazçılar arasında toqquşmalar zamanı xəsarət alanların sayı artıb.
Trend-in məlumatına görə, qarşıdurmalar nəticəsində 100-ə yaxın şəxs, o cümlədən hüquq-mühafizə orqanlarının əməkdaşları müxtəlif dərəcəli xəsarət alıb. Saxlanılanlar var.
Nümayişlər Barselona, Lerida, Jirona və Tarraqona şəhərlərində keçirilir.
K.Puçdemon hazırda Noymünster şəhərində həbsxanadadır.
Qeyd edək ki, ötən il oktyabrın 1-də İspaniyanın Kataloniya vilayətində bölgənin müstəqilliyi haqqında qanunsuz referendum keçirilmişdi.