Bakı. Rufiz Hafizoğlu - Trend:
Türkiyə Rusiyanın S-400 zenit-raket komplekslərini nəzərdə tutulan vaxtdan tez ala bilər.
Trend-in məlumatına görə, bunu Türkiyənin milli müdafiə naziri Nurəddin Canikli deyib.
Nazir qeyd edib ki, Türkiyə və Rusiyada S-400-lərin alışına əngəl törədəcək hər hansı problem yoxdur.
Bundan əvvəl Türkiyənin Baş naziri Binəli Yıldırım bəyan etmişdi ki, Ankara və Vaşinqton arasında "Patriot" zenit-raket komplekslərinin alışı ilə bağlı danışıqlara Rusiya S-400-lərinin əldə edilməsinin alternativi kimi baxıla bilməz.