Bakı. Trend:
"Google" şirkətinin 3 mindən artıq əməkdaşı şirkət rəhbərliyinə kollektiv müraciət ünvanlayaraq qurumun Pentaqonun həyata keçirdiyi proqramda iştirakına öz etirazlarını bildirib.
Trend-in məlumatına görə, “Project Maven” adlı layihə döyüş təyinatlı pilotsuz uçuş aparatlarının dəqiqliyini artırmaq məqsədi ilə süni intellektin istifadəsini nəzərdə tutur.
“Hesab edirik ki, "Google" hərbi bizneslə məşqul olmamalıdır”,- deyə şirkətin aparıcı mühəndislərinin də imzaladığı müraciətdə vurğulanır.