Bakı. Trend:
Yunanıstan Prezidenti Prokopis Pavlopulos kardioloji müayinədən keçdikdən sonra ürəyinə stent qoyulub.
Trend-in məlumatına görə, Onassis kardiocərrahi mərkəzində əməliyyat olunan ölkə başçısının səhhəti ötən həftənin sonu pisləşib.
Prezidentin mətbuat xidmətindən onun səhhətinin normallaşdığı və fəaliyyətini əvvəlki iş rejimində davam etdirəcəyi barədə məlumat verilib.
Qeyd edək ki, Prokopis Pavlopulos 2015-ci ilin fevralında bi vəzifəyə seçilib.