Bakı. Trend:
Misirin Əl-Ariş şəhərində terror aktları hazırlayan 14 terrorçu zərərsizləşdirilib.
Trend-in məlumatına görə, bu barədə Misirin "Əl-Vətən" qəzeti xəbər verir.
Qəzet bildirir ki, terrorçuların toplandığı yerdə uzun zaman sürən xüsusi əməliyyat zamanı 8 terrorçu məhv edilib. Bundan əlavə, daha sonra hadisə yerindən qaçmaq istəyən 6 terrorçu məhv edilib.
Daxili İşlər Nazirliyinin məlumatına əsasən, terrorçular şəhərin fərqli obyektlərinə hücumlar hazırlayırmışlar.