Bakı. Trend:
Rusiyada əmək qabiliyyətli yaşda olan qadınlar arasında ölüm hallarının əsas səbəbi onkoloji xəstəliklərdir.
Trend-in məlumatına görə, 2017-ci ildə bu xəstəliklərdən yaşı 16-dan 54-dək olan 19,6 min qadın dünyasını dəyişib.
Ölüm hallarının ikinci əsas səbəbi qan dövranı sistemi xəstəlikləridir – bu, 18,9 min rusiyalı qadının həyatına son qoyub.
Bədbəxt hadisələr, hücumlar və yol-nəqliyyat hadisələri nəticəsində ölənlərin sayı isə 15,8 min nəfər təşkil edir.
Ümumilikdə 2017-ci ildə Rusiyada 82,6 min əmək qabiliyyətli qadın ölüb.
Kişilərdə isə ölüm hallarına əsas səbəb kimi qan dövranı sistemi xəstəlikləri göstərilir.