Bakı. Trend:
Böyük Britaniyanın Birmingem şəhərində (Vest-Midlends qraflığı), "Steçford" ticarət kompleksində partlamamış bomba aşkar edilib.
Trend-in "TASS"a istinadən verdiyi məlumata görə, bu barədə yerli polis idarəsinin "Twitter" səhifəsində bildirilir.
Məlumatda deyilir: "Saat 12:15-də "Steçford" ticarət mərkəzinə partlamamış bombanın aşkar edilməsi ilə əlaqədar polislər çağırılıb. Ticarət mərkəzinin ziyarətçiləri və yaxınlıqdakı evlərin sakinləri təhlükəsiz əraziyə təxliyə ediliblər. Hadisə yerinə istehkamçılar cəlb edilib".
Yerli KİV-lərin məlumatına əsasən, aşkar edilən bomba İkinci dünya müharibəsi dövrünə aiddir.