Bakı. Trend:
Koreya Xalq Demokratik Respublikasının Dövlət Şurasının sədri Kim Çen In ABŞ prezidenti Donald Trampla yenidən görüşməyə hazırdır.
Trend-in məlumatına görə, bu barədə Kim Çen In aprelin 12-si Ali Xalq Məclisinin deputatları qarşısında çıxışı zamanı bildirib.
Kim Çen In qeyd edib ki, Xanoyda keçirilən sammitin uğursuz başa çatmasına baxmayaraq, o D.Trampla yenidən görüşməyə hazırdır.
Xatırladaq ki, 27-28 fevral tarixlərində Xanoyda ABŞ və KXDR sammiti baş tutub. Sammitin yekunları üzrə tərəflər razılığa gələ bilməyiblər.