Bakı. Trend:
Hindisntanın şimalında sərnişin avtobusu yük maşını ilə toqquşub.
Trend-in "RİA Novosti"yə istinadən verdiyi məlumata görə, toqquşmadan sonra sərnişin avtobusu alışıb. Qəza nəticəsində azı 20 nəfər həlak olub.
Məlumata əsasən, insident Uttar-Pradeş ştatında baş verib. Bildirilir ki, yük maşını yanar materiallar daşıyırmış.
Polis əməkdaşlarının sözlərinə görə, avtobusda təxminən 70 sərnişin olub və ölənlərin sayı arta bilər.