Bakı. Trend:
Finnair aviaşirkətinin bir ekipaj üzvü Helsinki-Vantaa Hava Limanında "Airbus A320" təyyarəsinin göyərtəsindən yerə yıxılıb.
Trend-in məlumatına görə, bu barədə Finlandiya Fövqəladə Halların İstintaq Mərkəzi (OTKES) "Twitter" səhifəsində xəbər verib.
Qəza, sərnişinlər təyyarədən düşdükdən və terminala getmək üçün avtobuslara mindikdən sonra baş verib. Təyyarə heyətinin üzvü sərnişinlərin əvvəlcə keçdiyi eyni qapıdan uçuş zolağına yıxılıb. Hadisənin səbəbləri dəqiqləşdirilir.
Hadisə Ouludan Helsinkiyə gələn təyyarənin bortunda baş verib.