Bakı. Trend:
ABŞ-da yeni növ COVID-19 koronavirusuna yoluxanların sayı 34 nəfərə çatıb.
Trend-in "RİA Novosti"yə istinadən verdiyi məlumata görə, bu barədə ABŞ-ın Xəstəliklərə Nəzarət və Profilaktikası Mərkəzindən bildiriblər. Daha əvvəl 26 nəfərin yoluxduğu deyilirdi.
Son məlumatlara əsasən, yeni növ COVID-19 koronavirusuna yoluxanların 11 nəfəri xarici ölkələrdən ABŞ-a qayıdıb. Xəstələrdən 21 nəfəri ölkəyə Dövlət Departamentinin reysləri ilə gətiriliblər: 3 nəfər Uhandan və 18 nəfər Yaponiyadan.
Qeyd edək ki, Çində yeni növ COVID-19 koronavirusuna yoluxanların sayı 75 mini ötüb, onlardan 2236 nəfəri ölüb, 18 mindən artıq insan isə sağalıb.