Bakı. Trend:
Fransada ölkədə epidemiya başlayandan bəri yeni koronavirusun (COVID-19) yaratdığı xəstəlikdən 12 mindən çox insan ölüb.
Trend-in məlumatına görə, bu barədə ölkənin Səhiyyə İdarəsinin baş direktoru Jerom Salomon mətbuat konfransında bildirib.
Onun sözlərinə görə, martın 1-dən etibarən ölkədə koronavirusdan ölənlərin sayı 12 210 nəfər təşkil edib, ölənlərin 42% -i 70 yaşdan yuxarı insanlardır:
"Bununla belə, xəstəxanalarda ölən xəstələrin sayı 24 saat ərzində 7632 nəfərdən 8044 nəfərə qədər yüksəlib".
Qeyd edilib ki, hazırda 7066 nəfər reanimasiyadadır, bu da aprelin 8-də axşam saatlarında olan göstəricilərə nisbətən 82 nəfər azdır. Ümumilikdə sutka ərzində 369 nəfər reanimasiyaya yerləşdirilib.