Bakı. Trend:
Türkmənistanda dövlət qurumları və müəssisələrində işləyən qadın əməkdaşların xarici görünüşü ilə bağlı tələblər sərtləşdirilib.
Trend-in məlumatına görə, yeni qaydalara əsasən, bu kateqoriyadan olan işçilərə, o cümlədən müəllimələrə manikür və pedikür etmək, saçı rəngləmək, taxma kipriklərdən istifadə etmək qadağan edilir.
Bundan başqa, geniş yaxalıqlı geyimlər qadağan olunub.
Qeyd olunur ki, bu məhdudiyyətlər iki il əvvəl tətbiq olunsa da, daha sonra bu qaydalar yumşaldılmışdı.