Bakı. Trend:
Yay istirahəti müddətində Avropa İttifaqının bəzi regionları daxili turizm üçün açıla bilər.
Trend-in məlumatına görə, buni daxili bazar məsələləri üzrə Avrokomissar Tyerri Breton deyib.
O bildirib ki, Avropa İttifaqı rəhbərliyi avropalıların bu yay səyahət edə bilmələri üçün əlindən gələni edir:
“Bəzi zonaların turistlər üçün açıla biləcəyi ehtimal olunur. Bunun üçün mümkün işlər görülür”.
Qeyd edək ki, Avropada bu günədək 1,5 milyona yaxn şəxs koronavirusa yoluxub, 142 mindən çox şəxs həyatını itirib.