Bakı. Elnur Bağışov - Trend:
İranda ötən sutka ərzində daha 1 683 nəfər koronavirusa (COVID19) yoluxub.
Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin mətbuat xidmətinin rəhbəri Kiyanuş Cahanpur deyib.
K.Cahanpurun sözlərinə görə, İranda indiyədək 109 286 nəfərin bu virusa yoluxması öz təsdiqini tapıb. Virus daşıyıcılarından 2 783 nəfərin vəziyyəti ağırdır.
Nazirlik rəsmisi əlavə edib ki, ötən 24 saat ərzində daha 45 nəfərin ölməsi ilə İranda koronavirusdan ölənlərin sayı 6 685 nəfərə yüksəlib. İndiyədək 87 422 nəfər koronavirusdan sağalıb.
İranda koronavirusun diaqnozu ilə əlaqədar 601 mindən çox test həyata keçirilib.