Bakı. Trend:
ABŞ-da koronavirusdan ölənlərin sayı 90 min nəfəri ötüb.
Trend-in "İnterfaks"a istinadən verdiyi məlumata görə, bu barədə koronavirus üzrə statistikanı izləyən "Worldometers" portalında bildirilib.
Məlumata əsasən, ölkədə koronavirusa yoluxanların sayı 1 507 773 nəfərə çatıb. Virusa yoluxanlardan 90 113 nəfəri ölüb, təxminən 340 min nəfəri isə sağalıb.
Bildirilir ki, dünyada koronavirusa yoluxanların sayı 4 721 828 nəfər, ölənlərin sayı isə 313 260 nəfər təşkil edir.