Bakı. Trend:
Ümumdünya Səhiyyə Təşkilatı (ÜST) payız aylarında Avropada koronavirusdan ölüm sayının artacağını proqnozlaşdırır.
Trend-i məlumatına görə, bunu ÜST-ün Avropa regional bürosunun direktoru Hans Klüge deyib.
O, yaxın aylarda pandemiya ilə vəziyyətin çətinləşəcəyini deyib: “Oktyabrda, noyabrda ölümlülük göstəricilərinin artması gözlənilir”.
Qeyd edək ki, ÜST son sutkada bütün dünyada rekord yoluxmanın qeydə alındığını bildirib. Məlumata əsasən, ötən gün 308 minə yaxın yoluxma qeydə alınıb. Ümumilikdə, bütün dünyada yoluxanların sayı isə 29 milyon nəfəri keçib.