Bakı. Trend:
Moldova NATO-ya üzv olmaq niyyətində deyil və bu, ölkənin konstitusiyasına əsasən qadağandır.
Trend-in məlumatına görə, bunu Pro TV telekanalının efirində Moldova Prezidenti Maya Sandu deyib.
Dövlət başçısı bildirib ki, hələ heç kim əsas qanunu dəyişdirməyi planlaşdırmır və dövlətin konstitusiyası Şimali Atlantika alyansına qoşulmağı istisna edir.
"Konstitusiyada yazılıb ki, biz neytral ölkəyik, konstitusiyanı heç kim dəyişməyib, belə təşəbbüslər yoxdur, biz heç kimə hərbi təhlükə yaratmırıq, vəziyyətin sülh yolu ilə inkişafını istəyirik", - deyə M.Sandu bildirib.