Bakı. Trend:
Rusiya Mərkəzi Bankı uçot dərəcəsini 20 faiz səviyyəsində dəyişməz saxlayıb.
Trend-in məlumatına görə, bu barədə bankın qərarında deyilir.
Qeyd edək ki, qurum fevralın sonunda Rusiya iqtisadiyyatına tətbiq olunan sanksiyalar fonunda uçot dərəcəsini 9,5 faizdən 20 faizədək yüksəltmişdi.
Mərkəzi Bankın bugünkü qərarında deyilir ki, fevralın sonunda verilən qərar ölkədə maliyyə sabitliyinin dəstəklənməsinə və qiymət artımına nəzarətin təmin olunmasına imkan verib.