Bakı. Trend:
ABŞ dəniz piyadaları korpusunun 10 ədəd F-18 qırıcısı və bir neçə C-130 hərbi nəqliyyat təyyarəsini Şərqi Avropaya göndərəcək.
Trend-in məlumatına görə, bunu brifinq zamanı Pentaqonun mətbuat katibi Con Kirbi deyib.
C.Kirbi xatırladıb ki, ABŞ dəniz piyadaları Norveçdə "Cold Response" təlimlərində iştirak edir, onlardan təxminən 200-ü daha sonra Litvaya göndərilib.
"Dəniz piyadaları korpusunun 10 ədəd F-18 qırıcısı və bir cüt C-130 hərbi nəqliyyat təyyarəsi Şərqi Avropaya göndəriləcək. Dəqiq yerini hələ deyə bilmərəm", - deyə C.Kirbi bildirib.