Bakı. Trend:
Aprelin 6-da ABŞ hakimiyyəti Rusiya Federasiyasına qarşı yeni sanksiyalar elan edəcək, məhdudiyyətlər Rusiyanın maliyyə təşkilatlarına, dövlət müəssisələrinə və məmurlarına şamil olunacaq.
Trend-in məlumatına görə, bu barədə Ağ Evin mətbuat katibi Ceyn Psaki bildirib.
Ağ Evin mətbuat katibinin sözlərinə görə, ABŞ-ın əlavə sanksiyaları Rusiyaya yeni investisiyaların qadağasını da əhatə edəcək və həmçinin ölkənin əsas güc alətlərini zəiflətməyə hesablanacaq:
"Bunlara Rusiyaya bütün yeni investisiyaların qadağası, maliyyə institutlarına və dövlət müəssisələrinə qarşı sanksiyaların artırılması, Rusiya hökumətinin nümayəndələri və onların ailə üzvlərinə qarşı sanksiyalar daxildir".