Bakı. Trend:
Meksikanın mərkəzindəki San Luis Potosi ştatında yeddi nəfərin cəsədi tapılıb.
Trend yerli KİV-ə istinadla xəbər verir ki, bu barədə bölgə prokurorluğu ictimaiyyətə açıqlamasında bildirib.
Qeyd olunur ki, Akismon bələdiyyəsində 7 cəsədin tapılması ilə əlaqədar araşdırma başladılıb. Müstəntiqlər baş vermiş hadisənin başvermə şəraitini müəyyən etməyə imkan verəcək məlumatlar toplayırlar.
Aşkarlanan cəsədlər müvafiq araşdırmaların aparılması üçün Məhkəmə Tibbi Ekspertiza Bürosuna təhvil verilib. Hələlik qətliamın motivinin nə olduğu məlum deyil.