Bakı. Trend:
Xorvatiya parlamentinin deputatları milli komandanın dünya çempionatındakı matçına görə iclası yarımçıq dayandırıb.
Trend-in məlumatına görə, hazırda Qətərdə davam edən dünya çempionatında Xorvatiya millisi Mərakeşlə qarşılaşır.
Qeyd olunur ki, bu gün Xorvatiya parlamentində 2023-cü il dövlət büdcəsinin layihəsi müzakirə olunmalıdır. Deputatların əksəriyyəti parlamentin iclasına milli komandanın rəmzləri ilə gəlib.
Büdcə müzakirələri matç başa çatdıqdan sonra davam etdiriləcək.