Bakı. Trend:
Çexiyanın Libştat qəsəbəsində yerləşən qocalar və əlillər üçün pansionatda yanğın baş verib.
Trend "TASS"a istinadən xəbər verir ki, yanğın nəticəsində 1 nəfər həlak olub, binadan 46 nəfər təhlükəsiz əraziyə təxliyə edilib.
Təxliyə edilən şəxslər tibbi müayinədən keçdikdən sonra müvəqqəti olaraq Libştatdakı məktəbin binasında yerləşdiriləcəklər. Onlardan bəzilərinin xəstəxanaya göndərilməsinin lazım olub-olmadığını həkimlər müəyyən edəcək.
Yanğının səbəbi araşdırılır.