Bakı. Trend:
Fransa prezidenti Emmanuel Makron gələn həftə Çinə birgə səfərə hazırlıq məqsədilə Avropa Komissiyasının (AK) sədri Ursula fon der Lyayeni aprelin 3-də Parisdə qəbul edəcək.
Trend xəbər verir ki, bu barədə Yelisey sarayından məlumat verilib.
"Respublika Prezidenti aprelin 3-də Yelisey sarayında Avropa Komissiyasının sədri ilə görüşəcək. Bu görüş aprelin 5-dən 8-dək Çinə baş tutacaq dövlət səfərinə hazırlıq çərçivəsində keçiriləcək", - deyə E.Makronun administrasiyasından bildirilib.
Qeyd edilib ki, Ursula fon der Lyayen və Emmanuel Makron Çin prezidenti Si Cinpinlə üçtərəfli görüşdə iştirak edəcəklər.