Bakı. Trend:
İran məhkəməsi 2020-ci ildə Ukrayna Beynəlxalq Hava Yollarının "Boeing 737-800" təyyarəsinin vurulması işi üzrə 10 hərbçini həbs cəzasına məhkum edib.
Trend xəbər verir ki, bu barədə bazaar günü "IRNA" agentliyi məlumat yayıb.
20-yə yaxın məhkəmə iclasından sonra "Tur M-1" hava hücumundan müdafiə sistemlərinin baş meneceri 13 il müddətinə azadlıqdan məhrum edilib. İttihama görə, menecer komanda qərargahının əmrinə zidd olaraq və icazə almadan təyyarəni "düşmən hədəfi" ilə səhv salaraq Tehrandan Kiyevə uçan Ukrayna təyyarəsinə iki raket zərbəsi endirib.
Hadisə zamanı "Tur M-1" Hava Hücumundan Müdafiə Qrupunda xidmət edən daha 9 təqsirləndirilən şəxs 1,5 ildən 3 ilə qədər müddətə azadlıqdan məhrum edilib.