Bakı. Trend:
G7 liderləri iqtisadi məcburiyyətlərə qarşı mübarizə aparmaq üçün yeni birgə platforma yaratmağı planlaşdırır.
Trend xəbər verir ki, bu barədə Böyük Britaniya hökumətinin saytında yeləşdirilən press-relizdə deyilir.
Məlumata əsasən, bu platforma digər dövlətlərin suveren işlərinə qarışmaq üçün iqtisadi məcburiyyətin zərərli istifadəsinə nəzarət edəcək. Buna misal olaraq "son vaxtlar öz iqtisadi gücündən istifadə edərək ölkələri, o cümlədən Avstraliya və Litvanı siyasi mübahisələri həll etməyə məcbur edən" Çin göstərilir.
Gözlənilir ki, yeni platforma iqtisadi məcburiyyətlərin yarandığı halda buna cavab olaraq G7-nin fəaliyyətlərinin koordinasiyasının əsas forumu olacaq. Həmçinin qeyd edilir ki, Böyük Britaniyanın baş naziri Rişi Sunak G7 sammitində "ədalətsiz və məcburi ticarət təcrübələri"nə koordinasiyalı cavab verməyə çağıracaq.