Bakı. Trend:
İtaliyanın şimalında güclü yağışların səbəb olduğu daşqınlar nəticəsində ən azı 400 min ton taxıl məhv olunub.
Trend-in məlumatına görə, bu barədə "Coldiretti" kənd təsərrüfatı istehsalçıları assosiasiyası bildirib.
Məlumata əsasən, bütün milli buğda istehsalının üçdə biri Emilia-Romanyada cəmləşmişdir, burada bir çox sahələr ziyan çəkib.
Qeyd edilib ki, bu, İtaliyanın 60%-dən çoxunu ixrac etdiyi çörək və makaron istehsalına zərər verəcək.
"Beynəlxalq qeyri-sabitlik qarşısında milli tədarüklər təhlükə altında ola bilər", - deyə bildirilib.