Bakı. Trend:
Tacikistanın Kulyab şəhərində yük avtomobili bir neçə avtomobilə və iki yaşayış evinə çırpılıb.
Trend xəbər verir ki, bu barədə ölkənin Daxili İşlər Nazirliyindən məlumat verilib.
Məlumata əsasən, hadisə nəticəsində ölən və yaralananlar var, onların sayı dəqiqləşdirilmir.
Hadisə yerinə daxili işlər naziri, səhiyyə naziri və fövqəladə hallar üzrə komitənin sədri gəliblər.
Qeyd edilir ki, qəzaya səbəb yük avtomobilində əyləc sistemində baş verən nasazlıq olub.