Bakı. Trend:
NATO-nun baş katibi Yens Stoltenberq Şimali Koreyanın ballistik raket texnologiyasından istifadə edərək hərbi peyk buraxmasını pisləyib.
Trend-in məlumatına görə, NATO-nun baş katibinin bəyanatında qeyd olunub.
"Bu, gərginliyi artırır, regional və beynəlxalq təhlükəsizliyə ciddi təhlükə yaradır. Şimali Koreya ehtiyatsız davranışını dayandırmalı, nüvə və ballistik raket proqramlarından imtina etməli və vicdanlı diplomatiya ilə məşğul olmalıdır", - deyə Y.Stoltenberq bildirib.
Onun sözlərinə görə, Şimali Koreyanın addımları BMT Təhlükəsizlik Şurasının çoxsaylı qətnamələrini pozur.