Bakı. Trend:
Meksikanın Sonora şəhərində silahlı hücum nəticəsində 6 nəfər ölüb, 26 nəfər yaralanıb.
Trend xarici KİV-ə istinadən xəbər verir ki, bu barədə Sonora prokurorluğu məlumat yayıb.
Məlumata görə, silahlı hücum Meksikanın Kajeme qəsəbəsində bir yığıncaqda baş verib. Yaralananlardan 4-nün vəziyyətinin ağır olduğu qeyd olunub.
Sonora prokuroru Qustavo Salas Sançes açıqlamasında ölən 6 nəfərdən 5-i barədə həbs qərarı verildiyini bildirib.
Hadisə ilə bağlı istintaq başladılıb. Silahlı hücumun mafiyaarası hesablaşma olduğu ehtimal olunur.