Bakı. Trend:
İsrail hərbi kabineti Qətərin HƏMAS ilə danışıqları bərpa etmək barədə təklifini müzakirə edib.
Trend xəbər verir ki, bu barədə İsrail KİV-i məlumat yayıb.
Qeyd olunub ki, yeni razılaşma birinci mərhələdə Qəzzada bir aylıq atəşkəs qarşılığında 40-50 girovun azad edilməsini nəzərdə tutur.
İkinci mərhələnin isə daha mürəkkəb olacağı və ola bilsin ki, İsrail qoşunlarının Qəzza zolağından çıxarılması ilə bağlı olacaq.
Kabinetin müzakirəsində qəbul olunan qərarlar açıqlanmayıb.