Bakı. Trend:
NATO-nun baş katibi Yens Stoltenberq Davosda keçiriləcək Dünya İqtisadi Forumunda iştirak edəcək.
Trend xəbər verir ki, bu barədə təşkilatın mətbuat xidməti məlumat yayıb.
"15,16 və 17 yanvar tarixlərində NATO-nun baş katibi Yens Stoltenberq İsveçrənin Davos şəhərində Dünya İqtisadi Forumunun illik iclasında iştirak edəcək", - məlumatda deyilir.
Qeyd olunub ki, Stoltenberq plenar iclasda iştirak edəcək və digər beynəlxalq liderlərlə ikitərəfli görüşlər keçirəcək.